(حسين الجسمي):
انت أول انسان أعشقه في حياتي ... والحين تبغي الصدق ما عدت الأول
عشقت غيرك وانمحت ذكرياتي ... مع دمعي اللي يوم هاجرت حول
(اسماء المنور):
ماهو يهمك كون أول والا ثاني ... أهم شي أكون شي فحياتك
إن كان قلبك يا حبيبي نساني ... أرجوك لا تنساني بذكرياتك
(حسين الجسمي):
طول في هجرانك علي لا تحاتي ... ما عاد يعنيني لو الهجر طول
أغني فراقك بصوت الآهاتي ... والقلب من زود الوناسة يمول
(اسماء المنور):
أخاف اطول في الهجر فامتحاني ... ما اقدر اطول فالهجر من غلاتك
دامك تبي فلحن بعض الأغاني ... بعطيك آهاتي غنها مع آهاتك
(حسين الجسمي):
العام تصبح فالخفوق وتباتي ... واليوم معلن فيك حظر التجول
أنا اعرفك حالي وسكر نباتي ... حالي ومن زينك أهلك تهول
(اسماء المنور):
العام حبك بين عوج المحاني ... ما زال ثابت وانت تعرف غلاتك
وأنا اعرفك انسان ما انت باناني ... لأن الأنانيه ما هي من صفاتك
(حسين الجسمي):
لكن لو كنت أجمل الفاتناتي ... لحبك أنا مستحيل أتسول
هذاك أول يوم كنت فحياتي ... والحين جا غيرك ولا عدت الأول
(اسماء المنور):
وانت بعد لو كنت فارس زماني ... تجبرني العزة أسوي سواتك
مافي لا أول ولا في ثاني ... غصبن عليك أنا الوحيدة فحياتك